prèp
la derrota militara del jove vescomte faidit Trencavèl que voliá
reconquistar sa vila en 1240, la fortalesa de Carcassona foguèt
considerablament refortida, atal coma cinc autras fortalesas de la region pel
rei de França Loís IX (Sant Loís).
Atal
los " Cinc Filhs de Carcassona " formèron una impressionanta linha de
defensa fàcia la frontièra aragonesa : Aguilar, Queribús, Pèirapertusa,
Puèglaurenç e Tèrme.
En 1659, lo rei
de França Loís XIV signèt amb lo Reialme d'Espanha lo
Tractat dels Pirenèus, sagelat per son maridatge amb l'Infanta Maria
Teresa, que portèt la província de Rosselhon amb sa dòt.
Rosselhon venguèt alara francés.
La
frontièra reculèt doncas sus la linha de cresta dels Pirenèus,
e la cinc fortalesas perdèron d'un còp tota importància
estrategica. N'i a que conservèron una pichona garnison militara pendent
qualques annadas, fins a la Revolucion, mas tombèron pichon a pichon
al deslembrièr. Venguèron sovent de simples refugis pels pastres
o ben pels bandits...
